+39 349 6032065
Fajun deventé realté Üsc soms
Nostes prestaziuns
Le lëgn á n gröm de fassëtes y vignöna cunta süa storia. Pro Holzmar tolunse söl scerio Osta vijiun: dala pröma idea cina ala realisaziun Ves acompagnunse cun pasciun, esperiënza y prezijiun artejanala. I cheriun locai che ne vëgn nia ma costruis, mo che vëgn vic naturalmënter, sostignibli y individuai.
Holzmar liëia l'artejanat tradizional cun les manires modernes da frabiché y le savëi tecnich. Nostes prestaziuns é ponsades por trasformé Osta idea da frabiché te n proiet de costruziun sön mosöra, anfat sce al é na ciasa abitativa, na costruziun speziala o laurs daite.
Preasemblamënt 
Cun na proietaziun detaiada, n preasemblamënt modern y de cualité, cheriunse la fondamënta por avëi la cualité plü alta y ascortun le tëmp da frabiché y minimisun les fontanes de fai.
Deplü informaziuns
Ciases de lëgn
Na metoda de costruziun flessibla, che tol ite l'architetöra moderna y tradizionala. Ciases de lëgn coliëia na cualité de vita naturala cun prezijiun tecnica y na metoda da costruí che döra tl tëmp.
Deplü informaziuns
Ciases a ciadëna é simbol de bëgnester. Vigni lëgn é unich - por n clima sann, na stabilité alta y n'atmosfera unica.
Deplü informaziuns
Costruziuns de lëgn y laurs da zumpradú
Le lignan é n material da frabiché che pita de gran poscibilités. Dai laurs da zumpradú classics ales costruziuns plü complesses realisunse soluziuns ponsades y cun prezijiun artejanala.
Deplü informaziuns
Restrotoraziuns
Le lignan á na dorada lungia, al é robust y ideal por proiec de ressanamënt. Cun esperiënza y sensibilité renovunse, renforzunse y completunse Osc frabicat esistënt.
Deplü informaziuns
Laurs daite
Le lignan cheriëia atmosfera, cialda y individuala. Ti laurs daite ciarunse a soluziuns sön mosöra, che ti scinca carater a vigni lerch y lascia odëi l'unizité di materiai.
Deplü informaziuns
Linia vita - sistems por ne tomé nia jö de tët
La segurëza é nosta priorité. I planificun y metun sö linia vita profescionales y sistems de segurëza por ne tomé nia jö de tët por düc i laurs che vëgn fac sön le tët, aladô dles normes.
Deplü informaziuns
Scorzé cun ega
Le scorzé cun ega é na metoda delicata. Chësta metoda fej insciö che la strotöra naturala dl lëgn romagnes y assigurëia na cualité alta, determinanta por l'elaboraziun.
Deplü informaziuns
Aredamënt Logstyle 
Les strotöres Logstyle liëia l'originalité rustica cun eleganza y passenëia sides pro n'atmosfera tradizionala sciöche ince pro abitaziuns plü modernes.
Deplü informaziuns
La tradiziun incunta la tecnica
Le preasemblamënt ne sostituësc nia l'artejanat, al le completëia. Al nes pormët da lié le laur da zumpradú tradizional cun la tecnica moderna y da mëte en pratica te na manira consecuënta nosta esigënza de cualité. Insciö vëgnel a s'al dé na costruziun de lëgn che ne ciara nia ma fora bun, mo de gran cualité a livel tecnich y de sostignibilité.
4 vari por rové a Osc proiet
1. consulënza y analisa
Te na conversaziun personala ti junse do a Üsc dejidêrs, Ostes esigënzes y ales situaziuns dl frabiché.
2. Planificaziun y preasemblamënt
Tres na planificaziun tecnica dataiada cheriunse la fondamënta ideala por na realisaziun efiziënta, sigüda y zënza impedimënc. Sön la basa de n preasemblamënt detaié, laurunse fora avisa Osc proiet.
3. montaje
Cun na tecnica moderna, elemënc arjigná ca danfora y conescënza artejanala, se dedicunse a Osc proiet insciö che al vëgnes completé aladô di tëmps stabilis.
4. surandada y assistënza
Do che Osc proiet é gnü stlüt jö, sunse tres ciamó a Osta desposiziun sciöche partner de referimënt.
Lëgn - n material cun n dagní
Lignan é trö deplü co ma n material. Al é na materia pröma naturala che scinca carater, cialt y costanza. Fidabl da secui - y incö plü moderna co mai.
N vire sann y natural
Le lëgn regolëia te na manira naturala l'umidité dl'aria y cheriëia n clima da sté saurí y ecuilibré. Al garantësc cialt, comodité y n'atmosfera sana.
Sostignibilité
Por Osc proiet de costruziun adorunse dantadöt lignan de bosć regionai che vëgn mantignis te na manira sostignibla.
Che döra dî
Le lignan, arjigné ca sciöche al toca convinc cun süa gran resistënza y costanza - por generaziuns alalungia.
Efiziënza energetica
Por mirit de sües cualités ezelëntes por ci che reverda l'isolaziun, porta le lignan pro a na costruziun efiziënta dal punt d'odüda energetich y sostëgn conzec de energia sostignibli. 
Unich
Vigni lëgn é unich. La strotöra y la spersa ti dá a vigni frabicat n carater individual natural y autentich.
Tëmps de costruziun plü cörc
Cun na proietaziun avisa y cun le preasemblamënt te hala pón arjigné ca tröc toc da frabiché bele danfora. Chësc ascortëia cotan le tëmp de laur sön cantier y garantësc na realisaziun efiziënta - independentamënter dales condiziuns meteorologiches.
Liberté de proietaziun
Le lignan se adatëia a formes d'architetöra desvalies, dala ciasa a ciadëna ala costruziun moderna. Le material pormët soluziuns individuales cun na gran flessibilité de design.
Stabilité y portabilité
Le lignan convinc cun so pice lisier. Cun la dërta costruziun vëgnel a s'al dé costruziuns che döra dî, che é stersces y che á na gran segurëza strotorala.
Proteziun cuntra le medefüch
Le lignan massif á de bunes carateristiches che scona tl caje de medefüch. Tl caje de medefüch se formel n strat de ciarbun de proteziun, che mantëgn le zënter dl lignan y mantëgn la portada por n tëmp definí. Tla tecnica dl'assiguraziun pón paridlé le lignan cun la proteziun cuntra le medefüch da pert dla pera y le medemo cun la premia d'assiguraziun.
Cheriun deboriada val' de bel!
Vigni proiet de costruziun é individual. Rodunt porchël ti dunse na gran importanza a na consultaziun detaiada, a na proietaziun tlera y a na comunicaziun sinziera. Deboriada ciafunse la soluziun che se adatëia le miú a Osc proiet.
I Ves contatarun anter 24 ores
Holzmar. 
La dita da zumpradú artejanala de gran cualité tla Val Badia.
Aziënda
Informaziuns legales
Contat
© 2026 Holzmar. Düc i dërc resservá