Denanco mëte adöm le pröm toch, vëgn vigni proiet metü a jí digitalmënter y tecnicamënter. La preasemblamënt é la basa por la cualité, l'efiziënza y la segurëza dla proietaziun. Tres na proietaziun 3D y le taié pro avisa, vëgnel arjigné ca tröc toc de costruziun bele te hala. Chësc smendrësc les fontanes di fai, scortëia le tëmp da frabiché y garantësc n funzionamënt söl post zënza problems. Sön chësta basa realisunse de vigni sort de proiec tl frabiché classich y modern cun lëgn. Pro chësc atochel les ciases de lëgn programades individualmënter, sciöche ince soluziuns por tëc, falzades y strotöres portantes. Ince pro les restrotoraziuns y i ampliamënc ciarunse da lié la sostanza da frabiché esistënta te na manira profescionala ala costruziun nöia. I cheriun soluziuns che sostignibles y che döra dî. Implü garantësc sistems por ne tomé nia jö de tët  linia vita na segurëza permanënta por laurs sön tët - metüs da jí te na manira sigüda, aladô dles normes y aladô dla competënza. Chiló mostrunse proiec olache la proietaziun, la prezijiun artejanala y la preparaziun é stá dezisifs. 

Na ciasa a ciadëna é deplü co ma n frabicat - al é simbol de naturalëza, costanza y de atejanat de cualité. I lëgns torogns fej parüda y ti scinca n clima dër da sté saurí. Vigni lëgn vëgn scorzé cun ega. Chësta prozedöra mantëgn la strotöra naturala dl lëgn y sotrissëia süa originalité. Dedô vëgn les taies laurades cun prezijiun y metüdes adöm avisa. Ince daite vá inant la linia naturala: cun aredamënt individual Logstyle vëgnel a s'al dé n conzet de gran armonia, olache les sperses de lëgn da odëi, i detais artejanai y i materiai cheriëia n'atmosfera unica. Insciö vëgnel a s'al dé frabicac cun carater y cualité sostignibli, proietá individualmënter y realisá cun la mascima prezijiun.