Le cantier Soleseid a Al Plan de Mareo tol ite la demoliziun dla majun esistënta y la costruziun de n frabicat nü y funzional. L'obietif ê chël da mantigní la strotöra tradizionala dl lüch y tl medemo tëmp da ti jí adincuntra ales esigënzes d'aldedaincö de cualité, sostignibilité y adoranza cun na costruziun de lëgn. I elemënc di parëis y la costruziun dl tët preasemblá pormët na realisaziun avisa y na montaja efiziënta söl post. Implü é le tët dla ciasa, le tët dl frabicat dlungia y dötes les falzades gnüs fac de lersc. Cun l'adoranza de materiai regionai y le laur metü a jí cun lezitënza, él gnü a s'al dé n frabicat che passenëia te na manira armoniosa tl ambiënt alpin.