L'ampliamënt dl Garni Declara a Calfosch é gnü realisé cun n'atenziun particolara sön n coliamënt armonius danter l'architetöra esistënta, la costruziun moderna dl lignan y l'ambiënt alpin. La proietaziun dl arch. Christian Agreiter coliëia linies architetoniches tleres cun l'atmosfera naturala di materiai dl post. Döta la strotöra di parëis y dl tët é gnüda fata cun elemënc de lëgn preasemblá. Tres la preparaziun avisa y la montaja aladô de profescionalité, él sté meso da garantí na realisaziun efiziënta cun na gran cualité y prezijiun di detais. La falzada y i soras é gnüs fac de lersc, insciö che l'ampliamënt ciafa na odüda cialda y naturala y se inserësc te na manira autentica tla contrada dl'Alta Badia.
