La ciasa d'abitaziun tl zënter de Lungiarü é gnüda ressanada y trasformada te na ciasa por vacanzes. Al zënter dl proiet ê le mantignimënt dla costruziun esistënta. Al é gnü mantigní, lauré fora y integré i toc storics tl conzet nü d'anuzamënt. Tratan le ressanamënt é le frabicat gnü adaté cun prudënza ales esigënzes d'aldedaincö, zënza perde so carater original. Le tët de scianores respidlëia les manires tradizionales dl frabiché dl raiun y se inserësc te na manira armoniosa tla contrada storica. Le resultat é na ciasa che mantëgn le charme y che pita tl medemo tëmp le confort y la funzionalité de n'abitaziun moderna.
